Scotland Yard Erresuma Batuko Poliziak atzo zabaldu zituen lau susmagarrien argazkiak: leherketak gertatu ziren metro geltokietako eta autobuseko segurtasun kamerek hartutako irudiak dira.
Orobat, pertsona bat atxilotu zuten atzo erasoekin zerikusia duelakoan, eta Poliziaren "segurtasun handiko" zentro batean ari dira hura galdekatzen. Gaur atzeman duten pertsona bezala, Stockwell auzoan atxilotu zuten hura ere.
Hala ere, atzoko gertakaririk larriena metroan gertatu zena izan zen: "susmagarri" bat tiroka hil zuen Poliziak tren batera sartzeko saioa egiten ari zela. BBC-k lekuko batek emandako azalpenetan oinarrituz zabaldu zuenez, aurrena lurrera bota zuten poliziek gizonezko hori, eta lurrean zela egin zioten tiro.
Atentatuak Londresen
Beste pertsona bat atxilotu du Poliziak Londresen osteguneko erasoekin lotura duelakoan
Erresuma Batuko Poliziak beste pertsona bat atxilotu du osteguneko erasoekin zerikusia duelakoan. Londres hegoaldeko Stockwell auzoan atxilotu dute, baina hari buruzko inolako xehetasunik ez dute oraindik zabaldu. Atzo beste pertsona bat atxilotu zuten akusazio bertsuarekin, eta, halaber, "susmagarri" bat tiroka hil zuten metroan. Era berean, ustez osteguneko erasoak egin zituzten lau gizonezkoen irudiak zabaldu ditu Poliziak.
Iruzkinak
Ez dago iruzkinik
Ordenatu
