Beste urtemuga bat erbeste idorrean

SEAD Saharako Errepublika Arabiar Demokratikoa aldarrikatu zutela 41 urte bete ziren atzo, eta sahararrek erbestean ospatu behar izan zuten beste behin urtemuga esanguratsu hori; otsailaren 27a. Tindufeko (Aljeria) errefuxiatuen kanpalekuetan egin zituzten ekitaldiak, Smaran, eta aurreneko aldia izan da Brahim Galik Fronte Polisarioko presidente gisa ekitaldietan parte hartu duela. Nazioarteko hogei herrialdetako ordezkariak izan ziren ospakizunetan, tartean Euskal Herrikoak. Irudian, sahararrak, ospakizunetan.