Behin-behineko atxiloketa aldiko epea amaituta, Darfurreko haurrak handik atera eta Europara eramateko saioa egiteagatik atxilotutako 16 lagunak auzipetzea erabaki du Txadeko Justiziak. Hala, bederatzi laguni -Zoeren Ontzia gobernuz kanpoko erakundeko sei kideri eta hiru kazetariri (Frantziako Estatuko herritarrak dira guztiak)- adingabekoen bahiketa eta iruzurra leporatu diete. Beste zazpi lagunak Kataluniako hegazkin enpresa bateko langileak dira, hain zuzen ere, Zoeren Ontzia elkarteak umeak garraiatzeko kontratatu zuen hegazkin konpainiakoak. Konplize izatea egotzi diete zazpi horiei.
Frantziako eta Espainiako gobernuetak ordezkariak eta diplomatikoak Txadeko agintariekin harremanetan dira 16 lagun horiei zein irtenbide eman aztertzeko. Hala ere, bi estatuetako agintariek, eta, oro har, nazioarteko komunitateko erakundeetakoek, gaitzetsi egin duteZoeren Ontzia elkartearen ekimena.
Aldiz, Zoeren Ontziko kideek eta haren inguruan haurrak aterbetzeko sortutako familia sareek oso bestelako ikuspegia eman dute gertatutakoaren inguruan. Argi utzi dute aspaldiltik ari zirela ekimena prestatzen, Frantziako eta Txadeko gobernuek bazutela egitasmoaren berri, eta Darfurko gatazkaren ondorioz hil edo biziko egoeran dauden ehunka haur salbatzea zela beren xedea. Harrera familia horien arteko batzuk Euskal Herrikoak dira, zehazki, Lapurdiko eta Nafarroa Behereko sei.
Mundua
Darfurreko haurrak ateratzeko saioagatik atxilotutako 16 lagunak auzipetu ditu Txadek
Adingabekoen bahiketa leporatzen diete Zoeren Ontzia elkarteko sei kide eta hiru kazetari frantziarrei. Kataluniako Ginerjet hegazkin enpresako zazpi langileei, berriz, haien konplize izatea egozten diete. Euskal Herriko sei familiak ume horiek etxean hartu behar zituzten.
Iruzkinak
Ez dago iruzkinik
Ordenatu
