MUNDUA
Ekuadorko sumendi bat laba isurtzen ari da
Ekuadorko Tungurahua sumendiak zortzi kilometro baino altuera handiagoko laba zutabea jaurti du. Sumendia harri kozkor eta errauts asko isurtzen ari dela jakinarazi du sumendiaren eboluzioa behatzeaz arduratzen den Institutu Geofisikoak. Gutxienez lagun bat hil da eta beste hainbat zauritu ospitalera eraman behar izan dituzte.
Sumendiaren erupzioa gero eta indartsuagoa dela esan du Institutu Geofisikoak eta ondorioz milaka familia ebakuatu dituzte inguruko herrietatik. Atzo goizeko bederatziak aldera (14:00ak Euskal Herrian) hasi zen laba isurtzen sumendia, eta geroztik gasa, laba, errauts lainoak eta material goria ari da kanporatzen. Gauerdian maila goreneko erupzioa izan dela esan du Institutuko zuzendariak. Sumendiak horrela jarraituko duela gaineratu du.
Iruzkinak
Ez dago iruzkinik
Ordenatu
