Turkian gose greban dauden ezkerreko abokatuetako bat hil egin da: Ebru Timtik. Apirilaren 5etik zegoen gose greban, Aytac Unsal beste abokatu batekin batera. Biak Herriaren Lege Bulegoa (HKK) ezkerreko erakundeko abokatuak dira, eta otsailetik preso daude erakunde horretako beste kide batzuekin batera.
Our lawyer Ebru Timtik, on death fast for 238 days with the demand for a fair trial, has died! pic.twitter.com/nHARODYljr
— People's Law Office - International (@PLO_int) August 27, 2020
DHKP-C erakunde komunistaren aurkako prozesuetan, zigor luzeak ezarri zizkieten abokatu horiei, Turkiako terrorismoaren kontrako legeak baliatuz, nahiz eta lekukoetako batek hainbat kontraesan izan. Hamahiru urteko zigorra ezarri zioten Timtiki «erakunde terrorista» bateko kide izatea leporatuta, eta epaiketa justu bat eskatzeko hasi zuten gose greba. Hainbatek salatu du abokatu gisa egindako lanagatik espetxeratu zutela Timtik.
Une avocate est morte dans sa prison en Turquie.
— Martin Pradel (@MartinPradel) August 27, 2020
Elle était poursuivie pour ses actions d’avocate.
Les autorités turques, pourtant alertées, n’ont jamais cru devoir reconsidérer leur position désastreuse.
En Turquie, on tue les avocats en prison. https://t.co/skxFVw3cVd
HKK erakundeak berak eman zuen atzo Timtiken heriotzaren berri. Ostegunean jakinarazi zuen bihotzekoa izan zuela, eta Istanbulgo Sadi Konuk Ospitalaren atarian biltzeko deia egin zion jendeari. Bi abokatuak euren borondatearen kontra ospitaleratu zituzten.
Turkiako Auzitegi Konstituzionalak abuztuaren 14an ukatu egin zuen bi abokatuak aske uzteko eskaera. Ebatzi zuen ez zutela eskura informaziorik zioenik euren bizia arriskuan zegoela. Aurretik, ordea, Auzitegi Medikuntza Institutuak esana zuen bien egoera zela-eta ez zutela espetxean egon behar.
