Guantanamoko preso mendebaldarra, Kanadara

TORONTO. Omar Khadr, Guantanamon zegoen azken preso mendebaldarra, Kanada jaioterrira iritsi zen atzo goizean. Khadr 2002an hartu zuten preso estatubaturrek, Afganistanen, 15 urte besterik ez zuela. Soldadu estatubatuar bat hiltzea leporatu zioten, eta 8 urteko kartzela zigorra ezarri zioten 2010ean. Datorren urtean baldintzapeko askatasuna eskatu ahal izango du.