Gutxienez 17 pertsona hil eta beste 38 zauritu dira Pakistango Balutxistan probintzian. Asteazken gauean, Shah Nooraningo santutegira erromesak zeramatzan furgoneta bat zanga batera erori zen Hub herrian. Furgonetako gidaria atxilotu egin dute.
Shah Nooranikoa santutegi sufi bat da, eta musulmanek atzo zuten Eid al-Fitr edo Ramadam hilabete sakratuaren amaierako jaia. Eid al-Fitr egunean fededun askok bidaiak egiten dituzte leku sakratuak bisitatzeko.
Sarfraz Bugti Balutxistango ministro nagusia Sindhha eskualdeko gobernuarekin harremanetan jarri da, eta zauritu larriak Karatxi herrira eramatea adostu dute.
Shah Nooraniko santutegi sunita eskualde menditsu batean dago, Karatxitik 200 bat kilometrora. Iaz, erromesak zeramatzan autobus batek su hartu zuen, eta gutxienez bidaiari bat hil zen.
