Kenyako Gobernuak Twitter bidez jakinarazi du Garissa unibertsitateari egindako erasoan gutxienez 70 lagun hil dituztela. Zaurituak 79 direla esan du, eta armadak 500dik gora lagun onik atera dituela. Erasotzaileek hainbat ordutan bahituta izan dituzte unibertsitatean zeuden ikasleak eta irakasleak. Somaliako Al-Shabab talde islamistak hartu du bere gain erasoa.
Kenyak 4.000 soldadu dauzka Somaliako hegoaldean. 2011n hasi zuen Al-Shababen aurkako erasoaldia. Helburua Al-Shababi kontrolpeko lurrak kentzea zen, Somaliako gobernu ahularen esku uzteko. Erasoaldia hasi zuenetik, Kenyan eraso ugari egin ditu talde islamistak. Larriena, 2013ko irailean, Nairobiko Wesgate saltoki gunean. 67 lagun hil zituzten bertan.