Gutxienez hamar pertsona hil dira gaur goizean Zipren base militar batean izan diren hainbat leherketetan. Biltegi batean izan dira eztandak, Limaso hirian, herrialdearen hegoaldean. Hildakoak sei suhiltzaile eta lau militar dira, eta zauritutakoak, arduradunen esanetan, "asko" dira.
Zipreko egunkariak zabaltzen ari direnez, Ziprekok itsasontzi bati atzemandako lehergaiak izan daitezke lehertu direnak. Ontzia Irandik atera omen zen, eta Siriarantz zihoan harrapatu zutenean. Hizbularekin lotu dituzte lehergaiak.
Portuan 98 bolbora kontenedore omen zeuden, eta goizaldeko 05:00ak inguruan lehertu dira. Horietako bik su hartu dutenean hasi dira leherketak.
