Errusia-Txetxenia
Gutxienez zazpi soldadu errusiar hil dituzte Txetxenian
Gutxienez zazpi soldadu errusiar hil dituzte Txetxenian, errebelde txetxeniarrek Errusiako armadaren helikoptero bat lurrera bota eta zenbait ibilgailu militarri segada bat egin ondoren. MI-8 markako helikopteroa Dishne-Vedeno herritik zazpi kilometroa bota zuten misil bat bota ondoren. Eraso horren ondorioz, Errusiako armada teniente bat hil dute eta bi soldadu larri zauritu dire. Ingushetia lurraldean egindako segadan, berriz, gutxienez sei soldadu hil eta beste zazpi larri zauritu dituzte.
Txetxeniaren alboan dagoen Ingushetia errepublikan egin dute errebelde txetxeniarrek erasorik bortitzena. 50 bat lagunek osaturiko komando errebelde batek segada bat antolatu zien Errusiako hainbat ibilgailu militarrei. Txetxeniarrek gradana-jaurtigailuak erabili zituzten erasoa egiteko. Errusiako agintariak zur eta lur geratuko dira eraso hau jasan eta gero, ez baitute ulertzen nola izan zuten posible Txetxenia eta Ingushetia arteko muga pasatu.
Iruzkinak
Ez dago iruzkinik
Ordenatu
