Hagako lehen epaiketa

Kongon eginiko izugarrikerien ingurukoa izango da Hagako Nazioarteko Zigor Auzitegiak aztertuko duen lehen auzia, epaitegiko fiskaltzak atzo esan zuenez. Kongoko iparraldeko Ituri eskualdean iazko urrian eginiko sarraskiak ikertuko ditu. Halere, epaitegiak jasoriko salaketa gehienak Estatu Batuetako militarrek Iraken egindakoaren ingurukoak direla eta horretan «eskuduntzarik ez duela» aitortu zuen fiskaltzak.