Uholdea
Haitin eta Dominikar Errepublikan hildakoak 560 dira, gutxienez
Dominikar Errepublikak eta Haitik osatzen duten Karibeko Hispaniola uhartean hildakoak 560 dira gutxienez. Orain bi aste hasi zen euritearen ondorioz ibaiek gainezka egin dute, eta uholde handiak eragin. Hondamendiaren ondorioz, milaka lagun geratu dira etxerik gabe. Ameriketako Estatu Batuetako eta Kanadako soldaduek ura eta jakiak eman dituzte, helikopteroz.
Hildakoen zenbakia gora doa etengabe, eta gorago joan daiteke, desagertutako lagunak asko baitira oraindik. Uholdetik bizirik atera diren gehienak, berriz, etxerik gabe geratu dira, urak eraman baititu.
Iruzkinak
Ez dago iruzkinik
Ordenatu
