Haitin zortzi lagun hil dira Isaac ekaitzaren ondorioz

PORT-AU-PRINCE. Haitiko Babes Zibilerako Zuzendaritzak adierazi du gutxienez zortzi herritar hil direla Isaac ekaitza herrialdetik igarota. Horrez gain, 14.000 lagunetik gora etxetik atera behar izan dituzte eta kanpalekuetara eraman dituzte. Babes Zibilerako Zuzendaritzak larrialdi alerta eten du baina euriteen eta luizien arriskuaz ohartarazi du.