Indar erakustaldi historikoa
Kataluniako independentismoak indar erakustaldi historikoa egin du, eta Mariano Raxoi Espainiako presidenteak zuhurtzia eta elkarlana eskatu ditu tentsioa baretzeko.El Pais.
Independentismoak ihes egingo dio Masi
Independentismoaren jolasa eskuetatik ihes egiten ari zaio Artur Mas Generalitateko presidenteari, eta zerga itunaren aldeko bere aldarria marea sezesionistak ehortzi du. PSCko kideak, berriz, martxara joan dira alderdiari entzungor eginda.El Mundo.
CiU bolbora astintzen ari da
Indar nazionalistek deitutako manifestazioa jendetsua izan da. Baina Diadan aipatu ez den arren, gaztelania da Katalunian gehien hitz egiten den hizkuntza. Horrez gain, Katalunia Espainiatik bananduko balitz, automatikoki EB Europako Batasunetik kanpo geratuko litzateke.ABC.
Burujabetzaren aldeko giza marea Katalunian
Poliziaren arabera, milioi bat eta erdi lagunek hartu dute parte Kataluniaren independentzia eskatzeko manifestazioan, eta Espainiako Gobernuari leporatu diote Katalunia krisiaren zurrunbilora eraman izana.Le Monde.
Independentziagatik arriskuan
Milioi bat eta erdi herritarrek manifestazioa egin dute Kataluniaren independentzia eskatzeko. Katalunia Espainiako ereduzko autonomia zen, eta osagarri da orain.Frankfurter Allgemaine.
Parte hartze handia burujabetzaren alde
Poliziaren arabera, milioi bat eta erdi lagunek parte hartu dute independentziaren aldeko martxan, eta ERCko Alfred Boschek azaldu du «bandera independentistak soilik» ikusi dituela.BBC.
Independentismoa piztu du krisiak
Krisi ekonomikoak Kataluniako independentismoa areagotu izanak Jordi Pujol presidente izandakoa ere iritzia aldatzera behartu du: «Jasanezina da Espainiaren barruan egotea. Orain ez dut ezer independentziaren aurka, Espainian jarraitzeak gure herrialdea bideraezin bihurtzen du eta».Financial Times.
Bartzelonak Madril ohartarazi du
Kataluniako herritarrek zerga ituna eskatu diote Espainiako Gobernuari eta mezu argia eman diote: «ordaindu, edo Kataluniak Espainiatik alde egingo du».Time World.
Zatiketaren eguna Espainian
AEBetan irailaren 11ko gertaerak oroitzeko ezberdintasun guztiak alde batera uzten ditugun bitartean, Espainian zatiketa azaleratu da egun berean.The Washington Post.
