Guo Jingyi Txinako Gobernuko Komertzio Ministerioko arduradunetakoari heriotza zigorra jarri diote epaileek, ustelkeria egotzita, Xinhua berri agentzia ofizialak gaur jakinarazi duenez. Atzerriko enpresen eskupekoak -1,2 milioi dolar- onartu izana leporatu diote.
Zigorra bi urtera beteko lukete eta, ordura artean Jingyik "portaera egokia" badu, aukera legoke zigorra kentzeko. Kasu horretan, bizi osoko kartzela zigorra izango luke.
Bere ondasunak kendu dizkiote, eta "eskubide politikoak" ere bai betiko.
44 urte ditu eta 1986an hasi zen lanean Komertzio Ministerioan. Epaileen arabera, 1998 eta 2007 artean egin zituen ustelkeria kasuak.
munDUA
Heriotza zigorra jarri diote Txinako Komertzio Ministerioko arduradun bati, ustelkeriagatik
Iruzkinak
Ez dago iruzkinik
Ordenatu
