Jugoslavia zenerako Nazioarteko Auzitegiak hiru urteko kartzela zigorra jarri dio Rasim Delic musulman jeneral izandakoari, 1992-1995 artean Bosniako gerran serbiarren aurka egin ziren krimenekin zerikusia duelakoan.
Auzitegiaren ustez, Delicek ez zituen behar bezainbesteko neurriak hartu hilketak eragozteko. Horretaz gain, 1995eko uztailean eta abuztuan Livade-n eta Kamenican (Bosnia) izandako krimenen erantzule egin dute.
Epaiaren alde egin dute bi epailek. Besteak esan du Delicen erantzukizuna ez dagoela garbi. Fiskaltzak hamabost urteko espetxe zigorra eskatu zuen, eta defentsak libre uztea. 2007ko uztailean hasi zuten epaiketa.
Mundua
Hiru urteko kartzela zigorra jeneral ohi bati Jugoslavia zeneko krimenengatik
Iruzkinak
Ez dago iruzkinik
Ordenatu
