Ika-mika Venezuelan, 15 urtean ekonomia gidatu duen burua kargugabetu ostean

CARACAS. Jorge Giordani Venezuelako Planifikazio presidenteordeak nora ezean aritzea eta «lidergorik» ez izatea egotzi dio Nicolas Maduro presidenteari, hark kargutik kendu eta biharamunean. Chavismoaren barne desadostasunak agerian utzi dituelakoan, oposizioak ministro aldaketa barik «eredu aldaketa» eskatu dio gobernuari. Madurok, berriz, «burkide batzuk atzeragoardiaren atzeragoardian» babestea gaitzetsi du, eta «inork iraultzaren proiektuari traizio egiteko aitzakiarik» ez dagoela nabarmendu du.