Ipar Korearen misila suntsituko luke Japoniak

TOKIO. Iragarri bezala Ipar Koreak kohetea jaurtitzen badu, deuseztatu egingo duela ohartarazi du Japoniak. Horretarako martxan jarriko du misilen kontrako ezkutua, orain artean sekula erabili ez duena. Kohetea apirilaren 4 eta 8 artean botako duela esan du Piongianek. Japonian erortzear balego, hari erasotzeko prest egoteko agindu dio armadari Defentsa Ministerioak.