Joachim Gauck independentea Alemaniako Errepublika Federaleko presidente berria da, biltzar federalean gehiengoa lortu du ondoren. Atzo hautatu zuten Gauck Alemaniako presidente.
Biltzarrean bozkatu zuten 1.232 kideetatik 991 kidek eman zioten babesa. Beate Klarsfeld hautagaiak, Ezkerreko alderdikoak, 126 boto lortu zituen.
Gauckek, garaipena eskuratu ondoren, gogorarazi zuen egun horretan bertan 1990. urtean "diktadoreetatik aske ziren lehenengo hauteskundeetan" parte hartu zuela, Berlingo harresiaren erorketaren ondoren.
Apaiz luteranoa da Gauck, Alemaniako Errepublika Demokratikoan batasunaren alde aritutakoa. Hango Stasi Poliziaren artxiboaz arduratu zen hamar urtean.
