Oriol Junqueras ERCko buruaren defentsak salaketa aurkeztu du David Sassoli Europako Parlamentuko presidentearen aurka Europako Batasuneko Auzitegi Nagusian, diputatu aktaren baliogabetu ziola eta. Junquerasen abokatuak aurkeztutako helegitearen arabera, Sassolik ez du eskumenik ERCko buruari diputatu akta indargabetzeko.
Sassolik hutsik utzi zuen Junquerasi dagokion aulkia, Espainiako Hauteskunde Batzordeak erabaki ostean haren egoera judiziala ez dela bateragarria diputatu karguarekin, Kataluniako auzian inhabilitazioarekin zigortua izan delako.
Andreu van den Eynde abokatuaren esanetan, Sassolik Junquerasen diputatu akta indarrik gabe utzi zuen auziaren muina dagokion batzordera, hots, parlamentuko auzi juridikoen batzordera bideratu gabe.
