Guardia Zibilak bederatzi lagun atxilotu ditu Katalunian, eta horietatik bi aske dira orain. "Indarkeria ekintzak" prestatzen aritzea leporatzen diete. Atxiloketak Sabadellen, Cerdanyolan eta Mollet del Vallesen egin dituzte, 05:00etatik aurrera, eta hainbat miaketa egin dituzte. Oraindik atxilo segitzen dutenak Madrilera bidean dira.
Espainiako Auzitegi Nazionaleko Seigarren Epaitegi Nagusia ari da operazioa koordinatzen, Manuel Maria Garcia Castellon epailea buru duela. Auzitegiak baieztatu egin du operazioa. Adierazi du atxilotuak CDRetako kide direla eta "indarkeria ekintzak egiteko ahalmena" izan zezaketela. Ikerketa judiziala duela urtebete baino gehiago hasi zen, ustezko terrorismo delituagatik. Terrorismo delituaz gain, matxinada delitua eta lehergaiak izatea ere leporatzen diete.
Fiskaltza harago joan da, eta adierazi du atxiloketen helburua "talde terrorista sezesionista" bat indargabetzea dela. Azaldu duenez, atxilotuek "aurreratuak" zituzten "proiektu terroristetarako prestakuntzak". Fiskaltzaren iritziz, atxilotuek egun gutxi barru egin behar zituzten ustezko ekintza horiek; erreferendumaren urteurrenaren eta buruzagi independentisten auziko epaia kaleratu arteko epean. Miaketetan, ikerketarako dokumentazio eta material informatiko "ugari" atzeman dutela jakinarazi du. Gainera, lehergaiak egiteko substantziak ere aurkitu dituztela ziurtatu du.
Fernando Grande-Marlaska Espainiako Barne ministroak adierazi du atxilotuei "indarkeria ekintzak" prestatzen aritzea leporatzen zaiela. Auzia sekretupean dagoela argudiatuta, uko egin dio xehetasun gehiago emateari.
CDRek salatu dute "Espainiako Erreinuko indar errepresiboek jopuntuan" jarri dituztela. Ohartarazi dute miaketa "indiskriminatu" eta atxiloketa "arbitrarioak" egin arren ez dutela "herri konbentzitu eta borrokalari bat geldiaraziko". Mobilizazio deialdietara erne egoteko eskatu dute. Sabadellen, manifestazioa egingo dute atxiloketen aurka, 19:00etan hasita.
ð;Â;ŸÂš¨ La maquinària de les forces repressores del Regne d'Espanya ens posa al punt de mira.
— CDR Catalunya (@CDRCatOficial) September 23, 2019
Per molt que facin escorcolls indiscriminats i detencions arbitràries, NO ATURARAN un poble convençut i combatiu!
ð;Â;ŸÂ“² Atentes a convocatòries de suport!#ComençaLaRevolta#CDRenXarxa
Katalunian protesta eta mobilizazio handiko egunak espero direnean agindu ditu auzitegiak atxiloketak. Izan ere, urriaren lehenengo hamabostaldirako espero da espetxean dauden buruzagi independentisten auziko epaia. Auzitegiak buruzagiak zigortuz gero, protestarako deia egina du mugimendu independentistak.
Atxiloketak gaitzesteko mezuak zabaldu dituzte sareetan hainbat politikari independentistak. David Fernandez CUPeko parlamentari ohiak salatu du Guardia Zibilak atxiloketak egin dituela lehenik, eta probak ondoren bilatu dituela.
Nou detinguts de matinada. Llegit ara mateix a El Mundo: "Los investigadores buscan pruebas para evidenciar la actuación de los detenidos". Primer detenim. Després busquem proves.
— David Fernàndez (@HiginiaRoig) September 23, 2019
Marta Rovira ERCko idazkari nagusiak Fernandezi erantzun dio. "Zenbait hedabide espainiarrek dagoeneko itxi dute operazioa eta delituak leporatu dizkiete operazioa hasi den une berean".
De fet, alguns mitjans espanyols ja conclouen l’operació i imputen els delictes en el mateix moment que s’inicia. Vist per sentència. https://t.co/nbXUFmU1LK
— Marta Rovira Vergésð;Â;ŸÂÂÂÂÂÂÂÂÂÂÂÂÂÂÂÂÂÂÂÂÂÂÂÂÂÂÂÂÂÂÂŽ— (@martarovira) September 23, 2019
Roviraren alderdikide Gabriel Rufianek nabarmendu du atxilotuak beraien kontrako probak lortzeko atxilotu dituztela. "Demokrazian alderantziz" izaten dela adierazi du. "Egin daitekeen galdera bakarra da hurrengoa nor izango den", adierazi du.
Vives en un país en el que se detiene a gente de madrugada para buscar pruebas en su contra. Lo comento porque en democracia es justo al revés.
— Gabriel Rufián (@gabrielrufian) September 23, 2019
La única pregunta que cabe hacerse es quien será el siguiente.
Ya avisamos. El 'A por ellos' era un 'A por todos'.
Aurora Madaula JxCko parlamentariaren esanetan, independentistak "zerrendengatik eta aulkiengatik borrokan" ari diren bitartean, "haiek errepresioa eta mugimendu independentistaren ilegalizazioa justifikatuko duen kontakizuna eraikitzen ari dira".
Mentre nosaltres ens barallem per les llistes i les cadires, ells van construint el seu relat q acabarà justificant la repressió i la il·legalització del moviment independentista.
— Aurora Madaula #JuntsperCatalunyað;Â;ŸÂÂÂÂÂÂÂÂÂÂÂÂÂÂÂÂÂÂŽ— (@Aurora_Madaula) September 23, 2019
Demostrem-los q no ens aturaran, q no ens fan por i q seguirem lluitant. #NiUnPasEnrerehttps://t.co/feaSFrhaSb
Marcel Mauri Omnium Cultural elkarteko presidenteak ere atxiloketak arbuiatu ditu. "Dixanoperazioa, Pandora operazioa, Tamara eta Adri operazioa... eta beste hainbeste operazio Auzitegi Nazionalaren aginduz, gaurkoa bezala, goizaldean, eskubideak urratzen, mugimenduak kriminalizatzen. Atxilotu, eta ondoren probak bilatzen dituzte. Beti bezala".
Operació Dixan, operació Pandora, operació Tamara i Adri... i tantes altres operacions ordenades per l’Audiencia Nacional com avui, de matinada, vulnerant drets, criminalitzant moviments. Detenen i després busquen proves. Com sempre.
— Marcel Mauri de los Rios (@marcelmauri) September 23, 2019
ANCk salatu du atxiloketak "arbitrarioak" izan direla, eta horien heburua "epaiaren atarian" mugimendu independentista "izutzea eta kriminalizatzea" dela. Elkartasuna adierazi die atxilotuei.
â¬;Â;›ï¸;Â;ÂÂÂÂÂÂÂÂÂÂÂÂÂÂÂÂÂÂÂÂâ¬;Â;ÂÂÂÂÂÂÂÂÂÂÂÂÂÂÂÂÂÂœï¸;Â; Nou detencions arbitràries per intimidar i criminalitzar el moviment independentista a les portes de la sentència. No cedirem al seu xantatge. Dempeus i decidits seguirem treballant per l’#ObjectiuIndependència. Tota la solidaritat amb les persones detingudes avui! https://t.co/8tuj0Dc8hA
— Assemblea Nacional ð;Â;Ÿ§ (@assemblea) September 23, 2019
CUP alderdiak ere atxiloketak salatu ditu. Ziurtatu du Espainiako Estatuak "beldurra" beharrezko duela "edonolako disidentzia arrasto ezabatzeko". "Bakarrik nahi gintuzten, elkarrekin izango gaituzte", gaineratu du.
â;Â;ÂÂÂÂÂÂÂÂÂÂÂÂÂÂÂÂÂÂÂÂÂÂÂÂÂÂÂÂÂÂÂÂÂÂÂÂÂÂÂÂÂÂÂÂÂÂÂÂÂÂÂŒ9 detencions ordenades per l'audiència nacional.
— CUP Països Catalans (@cupnacional) September 23, 2019
Un cop més, de part d'un estat que necessita la por per eliminar qualsevol rastre de dissidència.
Ens volien soles, ens tindran juntes #SensePor
Tamara eta Adria Carrascoren aurrekaria
Gaurkoa ez da Guardia Zibilak CDRko kideen aurka ustezko terrorismo delituen akusaziopean egin duen lehenengo polizia operazioa. 2018ko apirilean, Tamara Carrasco atxilotu zuen Auzitegi Nazionalaren aginduz. Adria Carrasco atxilotzen saiatu zen, baina ez zuten aurkitu. Belgikara ihes egitea lortu zuen, eta han jarraitzen du oraindik.
Atxilotu eta hilabete batzuetara, terrorismo eta matxinada akusazioak baztertu zituen Auzitegi Nazionalak eta Kataluniako epaitegietara bideratu zuen auzia. Biei desordena publikoko delitua egozten zaie, CDRen batzarretan komunikazio azpiegiturak blokeatzera deitzeagatik.
