Nazio Batuen Erakundeak onartu berri duen txosten batean aitortzen du klima aldaketak hainbat segurtasun arazo ekar ditzakeela munduan. Alemanian bilduta Segurtasun Kontseilua eztabaidatzen ari da, eta gai horri heldu behar dion. Mendebaleko herrialdeak baiezkoan daude, baina Errusia eta garapen bidean dauden herrialdeak, ezezkoan.
Alexander Pankin Errusiako ordezkariak esan du klima aldaketari dagozkion gaiak NBEren Segurtasun Batzordean aztertzeak ez duela aurrerapausorik ekarriko arlo horretan, eta soilik klima aldaketaren kontrako erabakiak politizatzea ekarriko duela.
Onartu den txostenean Ban Ki-moon NBEren idazkariari eskatzen zaio klima aldaketak munduaren segurtasunean izan dezakeen eragina ere gehitzea bere informazioan. Achim Steiner NBEko Ingurumen programaren zuzendariak esan du klima aldaketak hondamendi naturalak areagotuko dituela, eta horrek munduan bakea eta segurtasuna arriskuan jarriko dituela.
