Torrak Generalitate berriaren osaera jakitera eman orduko esan zuen Espainiako Gobernuak ez zaiola gustatu han presoak eta erbesteratuak egotea, eta abisu eman zuen saiatuko zela haien kargu hartzea oztopatzen. Atzo jakin zen, izendapena oztopatu ez ezik, Kataluniako Gobernuari ahalmenak ez itzultzea ere erabaki duela. Hau da: 155. artikulua aplikatzen jarraituko du.
Erabaki horren erakusle, Espainiako Gobernuak Kataluniako Gobernuko kontseilaritzen eskumenak sortzeko, izendatzeko eta zehazteko dekretua argitaratu du, gaur, Generalitateko Egunkari Ofizialean; baina ez du argitaratu kontseilarien izendapenerako deketrua. Madrilek kontseilarien izendapena eragotzi du, "bideragarritasun arazoak" izan ditzakeela arrazoituta, dekretua aztertu arte.
Larunbatean hitz egin zuen Mariano Rajoy Espainiako gobernuburuak Pedro Sanchez PSOEko buruarekin eta Albert Rivera Ciudadanosekoarekin, eta hainbat iturrik zabaldu dutenez, 155. artikulua ez kentzea erabaki zuten. Espainiako Gobernuak hura indarrean jarri zuenean gobernu berria osatutakoan indargabetuko zuela jakinarazi zuen, eta orduz geroztik ere behin baino gehiagotan esan du hori dela asmoa. Egiaren orduan, baina, atzera egin du, eta ez duela kenduko jakinarazi du. Berak mantenduko dituela Kontseilaritza guztien botereak.
Horretarako hartu duen bidea, Gobernua eratzea galeraztea da. Izan ere, Boletin Ofizialean argitaratu behar dira Kontseilarien izenak, haiek kargua hartu aurretik. Aldizkari Ofizialaren kudeaketa Espainiako Gobernuaren esku dago 155. artikuluari esker, eta hori baliatuta, gobernua osatzea galerazi du Rajoyk, nahiz eta egiteko modua badagoen.
Hala, Generalitateko idazkariari baimena eman dio Gobernu berriaren egitura jasotzen duen dekretua argitaratzeko, baina Kontseilarien izenak biltzen dituen dekretua ez argitaratzeko agindu dio. Hura aztertu egin behar duela jakinarazi dio idazkariari, gutun bidez.
Jordi Turull eta Josep Rull dira Kontseilari izandatutako bi presoak. Haiek, asterazkeneko kargu hartzean egon ahal izateko baimena eskatu zioten epaileari. Eta gaur, Rajoyren jakinarazpenaren ostean, salatu dute beraiek indarrean dituztela eskubide politiko guztiak, eta haien izenak buletinean ez argitaratzea "prebarikazioa" egitea litzatekeela. Txio bana idatzi dute salaketarekin.
Tenim els nostres drets polítics intactes, hem demanat la llibertat per exercir el càrrec amb plenitud. No publicar el nomenament pq no són del seu gust, és un exercici de prevaricació; mantenir-lo un acte de dignitat perfectament legal #elmeucosalapresóelmeucoracatalunyapic.twitter.com/AyhZoX3swX
— Jordi Turull i Negre (@jorditurull) 2018(e)ko maiatzaren 20(a)
Des de quan la presó preventiva x https://t.co/B0biDiDVqvó inexistent és una condemna ferma? Però q és aquesta vergonya?Volem exercir d consellers en llibertat. Tenim tot el dret a exercir de consellers en llibertat. No publicar el nostre nomenament és prevaricació, simplement.
— Josep Rull i Andreu ðŸÂÂÂÂÂÂÂŽ— (@joseprull) 2018(e)ko maiatzaren 20(a)
Torrak Madrilgo espetxeetara egingo du bisita, gaur, kontseilari ohi espetxeratuekin biltzeko.
