Teheran eta Orumie hirien arteko lotura egiten zuen Iran Air konpainiako Boeing 727 hegazkin istripuan 77 lagun hil eta 26 zauritu direla jakinarazi du Irango Gobernuak. Beste 30 lagun onik atera dituzte eta bi desagertuta daude. Orumieko aireportutik gertu erori zen airekoa, Iranen menpeko Kurdistanen.
Ezbeharra igande arratsaldeko 19:45ak inguruan gertatu zen. Antza, eguraldi txarrak eragin zuen istripua; elurrak eta haize boladak, eta horrexegatik, hain zuzen ere, erreskate taldeen lana oso nekezak dira. Airekoa erori eta berehala, inguruko herritarrek eman zizkieten lehen laguntzak bizirik ateratako bidaiariei.
Kurdistan ekialdean 77 lagun hil dira hegazkin istripu batean
Iran Airko Boeing 727 hegazkinaren ezbeharra eguraldi txarrak eragin du; 30 lagun atera dituzte onik
Iruzkinak
Ez dago iruzkinik
Ordenatu
