Christine Lagarde Nazioarteko Diru Funtseko zuzendariaren Parisko etxebizitza miatu du Poliziak, Bernard Tapie enpresaburuaren aurkako ikerketa baten harira.
Lagarderen gaineko ikerketa 2011ko abuztuan hasi zuten ofizialki. 2008an Tapie enpresaburuak kalte-ordain bat jaso zuen, eta Polizia ikertzen ari da ea Lagardek legez kanpo jokatu zuen harentzat 285 milioi euroren kalte-ordaina onartuta. Orduan Ekonomia ministro zen Lagarde.
Yves Repiquet Lagarderen abokatuak esan du ez duela "ezkutatzeko ezer", baina uste du ikerketa "egia argitzeko" baliagarria izango dela.
