Lurrikaratik zortzi egun pasatuta, bizirik topatu dute emakume bat

Shahr Banu Mazandarani, 90 urteko emakume irandarra, bizirik topatu zuten atzo Iranen lurrikararen hondakinen artean lurperatuta. «Jainkoak mantendu nau bizirik», esan zuen Mazandaranik atera zuten unean. Emakumea Ilargi Gorriak Bamen duen ospitalean dago orain. Adituek diotenez, ia ezinezkoa da hiru egun baino gehiago janik eta urik gabe lurperatuta bizirik irautea.