Madrilgo sarraskiarekin zerikusia zuelakoan Ertzaintzak Donostian atxilotutako aljeriarra aske utzi du Garzonek

Espainiako Auzitegi Nazionaleko iturrien arabera, Garzonek Jesus Alonso fiskalaren oniritziarekin hartu du erabakia, Espainiako Poliziak egindako txostena aztertu eta gero.

Lehen bost atxilotuak, kartzelara

Espainiako Auzitegi Nazionaleko Juan del Olmo epaileak iragan larunbatean Madrilgo sarraskiarekin zerikusia zutelakoan atxilotutako bots lagunek baldintzarik gabe eta inkomunikatuta espetxean sartzeko agindu du. Jatorri marokoarreko Jamal Zougam, Mohamed Chaoui eta Mohamed Bakaliri erakunde armatuko kidea izatea leporatzen die eta jatorri indiarreko Suresh Kumar eta Vinay Kohlyri erakunde armatuko laguntzaile izatea egozten die. Bostak Soto del Real espetxeratu dituzte.

Zougam, Chaoui eta Bakaliri, erakunde armatuko kidea izateaz gain, 190 hilketa, 1.400 hilketa saiakera eta ekintzak egiteko hiru delitu egitea egozten dien Del Olmok. Kumar eta Kohlyri dokumentuak faltsutzea ere leporatzen die Espainiako Auzitegi Nazionaleko epaileak.

Bostal Madrilgo Soto del Real espetxean sartu dituzte. Guztiek egozten zaizkien karguak ukatu dituzte epailearen aurrean. Berri agentziek diotenez, Zougamek negarrez amaitu du deklarazio hartzea, eta Del Olmori esan dio Espainiako Al Kaeda sareko buru Imat Eddin Barakat 'Abu Dahdah' ezagutzen duela.