"Gure esku dagoen guztia egiten ari gara hegazkina topatzeko. Orain, armadak eta Vietnamek informazio zehatzagoa emateko zain gaude", esan du Hishammuddinek. Hainbat hedabidek zabaldu dute Vietnameko uretan erori dela hegazkina, baina ministroak esan du ez dutela horren zantzurik.
Hegazkina Kuala Lumpurretik abiatu da, bertan 00:40ak zirela, eta Pekinera zen iristekoa, 06:30 aldera. Ahmad Jauhari Yahya airelineako zuzendariak agerraldi bat egin du, eta ziurtatu du desagerpenak ez duela iraginik izango konpainiaren gainontzeko hegaldietan. Halaber, hegazkinean zihoazenen herritartasunak jakinarazi ditu: 153 txinatar, 38 malaysiar, hamabi indonesiar, sei australiar eta lau estatubatuar.
