Roger Torrent Kataluniako Parlamentuko presidenteak inbestidura saioa atzeratzeko hartu duen erabakia ez du begi onez jo ANC elkarte subiranistak, eta eutsi egin dio arratsaldean Puigdemonten izendapenari babesa adierazteko antolatuta zuen manifestazioari. Herritar ugari bildu da mobilizazioan, Puigdemont presidente izendatzearen alde. Manifestazioa parlamentu ondoko Ciutadella parkera iritsi denean, hainbat manifestarik mossoen segurtasun hesia zeharkatzea lortu dute eta Kataluniako Parlamentuaren atariraino iritsi dira. Ehunka lagun heldu dira parlamentuaren atari parera, eta mossoek atea itxi dute berriz, manifestari gehiago sar ez zedin.
Heldu da manifestazio burua Lluis Companys pasealekura. Jendez gainezka dago Ciutadella parkearen kanpoaldea. "Independentzia", "Puigdemont da gure presidentea", "Pausorik ez atzera" eta "Preso politikoak askatu" aldarriak etengabe oihukatzen dituzte @berriapic.twitter.com/IbbHJFARYu
— Bidatz Villanueva (@BidatzV) 2018(e)ko urtarrilak 30
Vergonya @mossospic.twitter.com/97g3CHc26n
— Bernat Castro (@Berlustinho) 30 de enero de 2018
@berriapic.twitter.com/td1bjfksqe
— Igor Susaeta (@Txuster81) 2018(e)ko urtarrilak 30
Manifestariek Kataluniako Errepublikaren aldeko leloak, eta Puigdemont presidente izendatzearen aldeko oihuak errepikatu dituzte. "Bozkatu dugu, eta ez da errespetatu", salatu dute. Hainbatek Puigdemonten maskarak eraman dituzte soinean.
Inbestidura saioa atzeratu duten arren, mobilizatzeko deialdiek aurrera jarriatu dute. Sant Jaume plazan herriatarrak elkartzen ari dira ANCk deituta. "Ez gaude denak, gure presidentea falta da" diote herritarrek @berriapic.twitter.com/nvAAcyXlJI
— Bidatz Villanueva (@BidatzV) 2018(e)ko urtarrilak 30
Agusti Alcoberro ANCko presidenteordeak hitza hartu du, eta babesa agertu dio Puigdemonti. "Gure presidentearekin, gure instituzioekin eta gure herriarekin gaude".
JxCko, ERCko eta Cupeko hainbat legebiltzarkide parlamentuaren atarira hurbildu dira, manifestariak agurtzera.
ANCk amaitutzat eman du mobilizazioa, iluntzean. "Inbestidurarekin aurrera egiteko lanean jarraitzen dugu alderdi politikoekin eta parlamentuko presidentetzarekin, mehatxuen gainetik", adierazi du elkarte subiranistak. ANCk nabarmendu du mobilizazio oro era baketsuan egitearen garrantzia. Hala egin du Omnium elkarteak ere.
Hala ere, manifestari batzuk parlamentuaren parean gelditzea erabaki dute, eta, Errepublikaren Aldeko Komiteekin batera, batzarrean erabaki dute gaua bertan pasatzea. Komiteek deia zabaldu diete herritarrei kanpin dendak hartu eta parlamentura hurbiltzera.
