Maria de Lurdes Pintassilgo

Portugalgo lehen ministro izandako Maria de Lurdes Pintassilgo herenegun gauean hil zen, Lisboako bere etxean, bihotzekoak jota. Portugalgo lehen ministro Jorge Sampaiok haren «laguna eta mireslea» zela esan zuen atzo.Pintassilgo (Lisboa, 1930) ingeniari kimiko industriala zen berez, baina ibilbide luzea egin zuen politikan. Portugalen lehen ministro kargua bete zuen aurreneko emakumea izan zen eta bakarra oraingoz. Krabelinen Iraultzaren ondoren, ministro izan zen eta 1975. urtean Unescoko enbaxadore izendatu zuten. 1987. urtean, berriz, eurodiputatua izan zen.