Martin McGuinnessi azken agurra eman diote milaka lagunek haren jaioterrian

DERRY. Martin McGuinness Sinn Feineko buruzagiak bakearen alde eginiko lana nabarmendu zuten atzo, haren hiletan, Derryn. Ipar Irlandako ordezkari katolikoak zein unionistak izan ziren ekitaldietan —Enda Kenny eta Michael D. Higgins Irlandako lehen ministroa eta presidentea, hurrenez hurren, ere izan ziren—. Nazioarteko ordezkaritza zabala ere elkartu zen, tartean Bill Clinton AEBetako presidente ohia. Arnaldo Otegi Sortuko idazkari nagusia ere Derryn izan zen.