Lau aldiz egin behar izan dute bozketa, haietako bitan diputatu baino boto gehiago zenbatu dituztelako. FPMko Michel Aoun aukeratu dute, laugarrengoan. Aurreneko bozketan bi herenen babesa behar zuen, baina ez du lortu, ondorengo bi bozketak nuluak izan dira, eta laugarren ekinaldian aukeratu dute, gehiengo osoz.
Legebiltzarrak presidente aukeratu eta minutu gutxira hartu du kargua. Diskurtsoan hauteskunde lege "justua" egiteko eskatu du, eta "okupatutako lurraldeak askatzeko" neurriak hartzeko eskaera egin du.
Suniak eta xiitak ados jarri direnez, bi urte eta erdi estatuburu gabe egon ostean, presidentea dauka Libanok.
