Azken orduetan, sare sozialen bidez mundu osoan zabaldu dira Afganistango aireportuetako irudi lazgarriak: jende andana ageri da Kabulgo Hamid Karzai aireportuan—oraintxe herrialde osoan martxan dagoen aireportu bakarra—, AEBek beren herritarrak handik ateratzeko bidali dituen hegazkinetara nola edo hala igo nahian.
Gutxi batzuek sartzea lortu dute; beste batzuk, berriz, hegazkinen kanpoaldean nolabait lotuta geratu dira, eta aireratu direnean lurrera erorita hil dira zazpi pertsona gutxienez, BBC katearen arabera. Efe informazio agentziak, ordea, azaldu du bi direla eroritakoan hildakoak, eta beste lau pertsona estatubatuarren eta talibanen arte aireportuan izan den tiroketa batean hil direla: hiru afganiar eta taliban bat.
This just broke my heart.ðŸÂÂÂÂÂÂÂÂÂÂÂÂÂÂ’” Person clinging to the flight tyres just to escape their homeland and fall off from the sky and die, who would have expected such a death. Prayers and prayers only for all those people. #Afghanistan
— ChimChimâ· ðŸÂÂÂÂÂÂÂÂÂÂÂÂÂÂÂ’ÂÂÂÂÂÂÂÂÂÂÂÂÂÂœ🥺 (@Bangtanniiees) August 16, 2021
ðŸ™ÂÂÂÂÂÂÂÂÂÂÂÂÂÂÂÂÂðŸ™ÂÂÂÂÂÂÂÂÂÂÂÂÂÂÂÂÂðŸ™ÂÂÂÂÂÂÂÂÂÂÂÂÂÂÂÂÂðŸ™ÂÂÂÂÂÂÂÂÂÂÂÂÂÂÂÂÂpic.twitter.com/WyqPUUg5dy
Herrialde batzuen enbaxadek aireportua baliatu zuten urgentziazko bisak emateko, baina ikusirik prozesua mantso zihoala eta gero eta hegaldi gutxiago zeudela, afganiar askok aireratzeko pistak hartu zituzten zuzenean. Batzuk aireportuko hormetara igo ziren katuka. Aireportura bildu ziren gehienek ez daukate pasaporterik ez bisarik.
People were climbing the walls at the airport in Kabul to try to leave the country as the Taliban takes over Afghanistan. Monday (8/16), U.S. military officials told CBS News flights from the airport had been temporarily halted because of the crowds at the airport. pic.twitter.com/GsldGskRYQ
— CBS 58 News (@CBS58) August 16, 2021
Civilians are climbing concrete walls of airport to desperately reach runway, in the premises of the #Afghanistan's Intl. airport.
— JUO P.Hanmanthu Naik (@PHanmanthuNaik1) August 17, 2021
- Despite flight operations being suspended at #kabulairport#Talibans#AfganistanBurning#kabulairport#KabulAirlift#kabulpic.twitter.com/BPyBaEGNfB
Hasieran, AEBek iragarri zuten eurek hartuko zutela aireportuko hegaldien kontrola; jende uholdea ikusita, ordea, ezinezkoa izan da azkenean. 640 pertsonak lortu zuten AEBen hegazkin militar batean sartzea. C-17 Globemaster motakoa zen, eta, berez edukiera ofiziala txikiagoa bazen ere, tripulazioak aireratzea erabaki zuen.
All civilian flights at Kabul International Airport have been suspended and a statement has been issued urging people to refrain from entering the airport.#ShamshadNews#KabulAirport#Afghanistanpic.twitter.com/ionmMdRNqF
— ShamshadNews (@Shamshadnetwork) August 16, 2021
Gaur goizean jakinarazi dute AEBek dagoeneko Afganistandik atera dituela bere enbaxadako 4.000 langileak. Gainera, aberriratuak izateko zain dauden herritarrei ohartarazi die aireportura joan ez daitezen, ez baita leku segurua.
Goizaldean, herritar batzuk aireportuan zeuden oraindik ere, Afganistandik aterako dituen hegazkin baten zain. Dena dela, Kabuldik irteten diren hegaldi guztiak ezeztatuak dituzte oraintxe.
The scene at #KabulAirport this morning as people continue to wait for evacuation flights that may never arrive. #Afghanistanpic.twitter.com/uoQWtSyZ5n
— Afghan News (@RealAfghanNews) August 16, 2021
Atzo, 70 herrialdek —besteak, Alemaniak, Frantziak eta Espainiak— adierazpen bateratu bat egin zuten, «Afganistango agintea daukaten horiei» eskatzeko herritarrei handik ateratzen utz diezaietela.
Migrazio politikak, jomugan berriz ere
Afganistango gatazkak izango dituen ondorioetako bat zera izango da, hango migratzaileen kopurua handitzea, eta Europako zenbait herrialde hasiak dira horren inguruan eztabaidatzen. Frantziako presidente Emmanuel Macronek atzo jakinarazi zuen Europa mailako egitasmo bat prestatzen dabiltzala, «migratzaileen fluxu irregularrei» aurre egiteko. Nahiz eta esan zuen Frantziak «zaurgarrienak babesten» segituko duela, azaldu zuen Europak ezin dituela «berak bakarrik» jasan gatazkaren ondorioak.
Horrenbestez, Alemaniako kantziler Angela Merkelekin eta beste herrialde batzuekin batera osatuko duten egitasmo baten berri jakinarazi du, «erantzun bateratu eta sendo bat» emateko asmoz. Macronek gaineratu zuen Frantziak dagoeneko 800 migratzaile hartu dituela.
Belgikak, Finlandiak, Frantziak, Alemaniak, Suitzak, Dinamarkak, Irlandak, Herbehereek eta Norvegiak, berriz, azken orduetan egin duten adierazpen bateratu batean, jakinarazi dute oraingoz gelditu egingo dituztela beren herrialdeetan afganiarren aurka abiatuta dauden erbesteratze prozesuak. UNHCR Iheslarientzako Nazio Batuen Goi Mandatariak astelehenean egindako eskaera bati emandako erantzuna da neurria.
