Rupert Murdoch eta James bere semeak barkamena eskatu dute gaur Erresuma Batuko Parlamentuan, News of the World egunkariak egin zituen legez kanpoko entzunketengatik. "Hau da nire bizitzako egunik umiliagarriena", esan du Murdochek.
Rupert Murdochek argudiatu du ez zekiela entzuketak hainbesteraino iritsi zirenik "53.000 pertsonek egiten dute lan niretzan, eta ez da aitzakia". Azaldu zuen, entzuketak noraino heldu ziren jakitean "izututa, hunkituta eta lotsatuta" sentitu zela.
Semeak ere hartu du hitza: "Gure asmoa gauzak konpontzea eta berriz ez gertatzeko lan egitea da, beti izan nahi izan dugun enpresa izateko".
Bi horiekin batera, Rebekah Brooks astekariaren zuzendari ohia ere Parlamentuan egotekoa zen.
