Hondarra, portala eta burdina erabili dute Egiptoko presidente ohiaren aldekoek Rabaa al-Adaweja plazan harresia altxatzeko. Estatu kolpea eman zuten militarrek esan dute kanpaleku hori desegiteko erabakia "behin betikoa" dela, "segurtasunagatik". Hainbat erakunde, ordea, erabaki horren kontra agertu dira, tartean, mugimendu iraultzaile zenbait.
Amnesty Internationalek esan du militarren erabakiak "gehiegikeria eta odol isurtze gehiago" ekar dezaketela. Ohartarazi du erakunde horrek Gobernuak ez duela zehaztu noiz hustuko duten plaza, eta iragarpen horrek istiluak, hildakoak eta zauriak gutxitzen lagunduko lukeela adierazi du.
Mursi presidentetzatik kendu zutenetik 300 pertsona hil dira, gehienak Mursiren aldekoak. Uztailaren 27an 80 jarraitzaile hil ziren segurtasun indarrek tiro eginda.
