Afganistan
Ostegunean Kabuldik hurbil eroritako hegazkinaren puskakinak aurkitu dituzte
Enayatullah Qasemi Agfanistango Garraio ministroak jakitera eman dutenez, ostegunean Kabuldik gertu eroritako hegazkinaren puskakinak aurkitu dituzte. Airekoan 104 lagun zihoazen eta istripu honetatik inor salbu irten denik ez da uste. Hegazkinaren puskakinak zonalde menditsu batean aurkitu dituzte, 3.300 metrotara.
Kam Air konpianiako airekoa ostegun arratsaldeko 14:30ean (12:00ak Euskal Herrian) abiatu zen Afganistan mendebaldean kokatutako Herateko aireportutik eta ordu batean Kabul hiriburura iritsi beharrekoa zen. Kam Air konpainiako zuzendariorde Feda Mohammede Fedairen arabera, 97 bidaiari eta 8 tripulante zeramatzan Boeing 737a ez zen Kabulgo aireportua lurreratu ahal izan, bertako arduradunek horretarako baimenik ez baitzioten eman, Kabulen egiten zuen elur ekaitzagatik. Baimenik lortu ezinda, airekoaren tripulazioa Pakistango Peshawar aireportuarekin harremanetan jarri zen. Baimena eman zioten arren, hegazkina ez zen Peshawarrera iritsi.
Iruzkinak
Ez dago iruzkinik
Ordenatu
