Ameriketako Estatu Batuek azarorako Israelen eta Palestinaren arteko nazioarteko bake konferentzia antolatu dute, Marylanden (AEB), eta Palestinako Aginte Nazionala (PAN) eta Israelgo Gobernua konferentziarako prestatzen ari dira. Hala, hurrengo astean idatzia hizartzeari ekingo diote, Mahmud Abbas PANeko presidentearen bozeramaileak esan duenez. Bi herrialdeetako lan taldeak hamabostero bilduko dira azarora bitartean.
Hain zuzen, Abbas bera gaur Ehud Olmert Israelgo lehen ministroarekin batzartu da, Jerusalemen, eta esan du akordiora iritsiko balira palestinarren artean horretaz galdeketa antolatuko lukeela. Olmertek ere kontsulta egingo luke, baina bere Gobernuaren kideen artean baino ez; horietako batzuk ez dira ados negoziaketekin. Ezta Hamas Palestinako erakundea ere; bere esku dauka, gainera, Gaza udara hasieratik.
Mundua
Palestina eta Israel AEBetako bake konferentziarako prestatzen hasi dira
Idatzi bat hitzartzeari ekingo diote Palestinako Aginte Nazionalak eta Israelgo Gobernuak. Abbasek eta Olmertek bilera egin dute gaur, Jerusalemen. Abbasek herri galdeketa antolatuko luke akordiora iritsiko balira.
Iruzkinak
Ez dago iruzkinik
Ordenatu
