Bi urtez inork erabili gabeko telefonoa baliatuko dute bi estatuetako ordezkariek harremanetan jartzeko. Hori da uneotan bi herrien arteko komunikazio bide bakarra, izan ere elkarrizketak hastea onartu badu ere, Piongiangek ez dio erantzun mugan biltzeko Hego Koreak egindako eskaerari.
Urte berriko mezuarekin hasi da bi herrien arteko hartu emana hobetzen. Orduan, Ipar Koreako buruzagi Kim Jong-unek iragarri zuen prest legokeela denbora luzez izoztuak egon diren elkarrizketak abiatzeko, Hego Korean egitekoak diren Neguko Olinpiar Jokoetan parte hartzeko helburuarekin.
Seulgo gobernuak atzo bertan erantzun zion eskaintzari, datorren asteartean aurrez aurreko bilera egiteko gonbita eginez, eta gaineratuz kirolaz ez ezik, beste hainbat gaietaz ere hitz egiteko prest daudela. Azken ohar hori erantzunik gabe gerau da, hala ere, oraingoz.
AEBen oharra
Kim Jong-unek Washingtoni ere helarazi zion mezua esanez gertu duela botoi nuklearra eta "erabiltzeko prest" dagoela. Bada, AEBetako presidente Donald Trumpek sare sozialen bidez erantzun du, ohikoa duen moduan, esanez berak ere baduela botoia eta Kimena baino "handiagoa eta boteretsuagoa" dela.
North Korean Leader Kim Jong Un just stated that the “Nuclear Button is on his desk at all times.” Will someone from his depleted and food starved regime please inform him that I too have a Nuclear Button, but it is a much bigger & more powerful one than his, and my Button works!
— Donald J. Trump (@realDonaldTrump) 2018(e)ko urtarrilak 3
