Protesta artean aukeratu dute Serzh Sarkisian Armeniako lehen ministro

EREVAN. Errepublika presidentzialista izateari utzi, eta errepublika parlamentario bihurtu zen Armenia 2015ean. Horren ondorioz, presidenteak eduki beharrean, lehen ministroak edukiko du boterea. Eta 2008 eta aurten artean presidente izandako Serzh Sarkisian lehen ministro aukeratu zuten atzo, parlamentuan. Izendapenaren kontrako protestak egiten ari dira egunotan, Erevan hiriburuan, argudiatuz boterean gotortzearren hauspotu zuela aldaketa hori Sarkisianek.