Carles Puigdemont Kataluniako presidentea prest dago alderdi independentistak bilduko lituzkeen hautagaitza bateratuaren zerrendaburu izateko. Hala adierazi dio ACN Kataluniako Albiste Agentziari eman dion elkarrizketan. Puigdemontek adierazi du "salbuespenezko neurriak" hartu behar direla abenduaren 21ean "demokrazia" babesteko, "alderdi bakoitzaren asmo zilegien" gainetik, eta helburu horri ekarpena egiteko "betebehar morala" duela ziurtatu du.
És el moment de defensar el país. Estic disposat a encapçalar la llista @unitaria21D de l'agrupació d'electors #LlistaUnitàriapic.twitter.com/XNOU4fQxGu
— Carles Puigdemont 🎗 (@KRLS) November 10, 2017
Kataluniako hainbat hedabidek adierazi dutenez, Puigdemont Bruselan bildu da CUP alderdiko Anna Gabriel eta Benet Salellasekin. Bilera horretan, hauteskundeetarako zerrenda bateratua osatzeko aukera ari dira aztertzen, iturri horien arabera. Hain justu, CUPek abenduaren 21eko zerrendei buruz eztabaidatzeko batzarra du gaur, Granollersen (Batzelona, Herrialde Katalanak).
Kataluniako hainbat pertsona ezagunek gaur aurkeztu dute, Bartzelonan, zerrenda bateratua osatzeko ekinbidea.
