Stuttgart-eko (Alemania) Lurralde Auzitegiak Christian Klar RAF Armada Gorriaren Adarreko buruzagia libre uztea erabaki du. Deseginda dago RAF, eta Klar zen talde hartako buruzagien artean preso segitzen duen bakarra.
56 urte ditu eta biziarteko bost zigor zeuzkan. Stuttgart-Stammheim kartzelan dago gaur egun eta datorren urtarrilaren 3an irtengo du, 26 urtean preso egon ostean.
Brigitte Mohnhaupt-ekin batera -hura ere utzi zuten aske-, RAFeko bigarren belaunaldiko buru izatea egotzi zioten Klarri. Besteak beste, 70eko hamarkadako bigarren zatian atentatu garrantzitsuen erantzule jo zuten.
Alemania
RAFeko buruzagietako azken presoa, libre
Christian Klar Armada Gorriaren Adarreko kideak urtarrilean irtengo du Stuttgarteko kartzelatik.
Iruzkinak
Ez dago iruzkinik
Ordenatu
