Serbiarekin elkartzeko akordioa sinatzeko negoziazioak bertan behera utziko ditu bihar EBk, Belgradek Ratko Mladic ustezko gerra kriminala atxilotu ez duelako. Horixe adierazi zuten atzo Serbiako agintarien iturriek.
«Ikertzen segitu behar dugu Mladicen laguntzaile sareari buruzko informazio gehiago lortzeko», esan zuen Rasim Ljajicek, Serbiak eta Montenegrok Jugoslavia ohirako Nazioarteko Auzitegiarekin lanean aritzeko Kontseilu Nazionaleko buruak.
EBren Hedapenerako komisario Olli Rehnek aurreko astean esan zuenez, Bruselak negoziazioak etengo ditu Belgradek maiatzaren 3a baino lehen serbiar jenerala izandakoa atxilotzen ez badu. Hori dela eta, ezkor mintzatu zen Ljajic. «EBk ez ditu kontuan izango egiten ari garen ahaleginak, azken emaitza baizik, hau da, Mladic Hagara eramatea. Beraz, pentsatzekoa da jarrera ezezkoa izango dela».
SERBIA . Mladic dela eta, negoziazioak etengo ditu EBk, Belgraden ustez
Iruzkinak
Ez dago iruzkinik
Ordenatu
