Siriak Arabiar Ligaren lana trabatzea egotzi die AEBei

DAMASKO. Arabiar Ligaren misioan esku hartzea egotzi die Siriak AEBei. Washingtonek Arabiar Ligaren plana ez betetzea egotzi diolako erran du hori Damaskok. «Siriak ez die AEBei horri buruzko azalpenik eman behar», erran du Atzerri Ministerioaren bozeramaileak. Hain zuzen, Arabiar Ligak egun bat gibelatu du behatzaileen txostenaren azterketa —igandean eginen du—. Oposizioaren arabera, berriz, estatuko indarrek hamabi lagun hil zituzten atzo.