Afganistango presidentearen egoitzari, Defentsa Ministerioarenari eta Ariana hotelari —CIAren egoitza Afganistanen— eraso die gaur goizaldean taliban talde batek, Kabulen. Euskal Herrian 03:00 zirela egin dute erasoa.
Jaama berri agentziak jakinarazi duenez, hamar bat leherketa eta tiro ugari izan dira presidentearen egoitzaren inguruetan. Hamid Karzai hedabideen aurrean agertzekoa zen unean egin dute erasoa.
Erasotzaile guztiak hil dira, Kabulgo poliziaburu Ayoub Salangik jakinarazi duenez.
