Eurodiputatu kargua hartu berri du Toni Comin Kataluniako Osasun kontseilari kargugabetuak (Bartzelona, 1971), Generalitateko presidente kargugabetu Carles Puigdemontekin batera. Astelehenean hartu zuten parte Europako Parlamentuko euren lehen biltzarrean, bi urte eta bi hilabete Kataluniatik urrun daramatzatela. Gorka Berasategi kazetariak elkarrizketatu du han, Estrasburgon; BERRIAk bihar emango du argitara. Hona aurrerapena:
-«Zorionez, Europa eskubide eta askatasunen eremu bat da, eta Europako epaileak, Espainiako agintaritza judizialetako epaileak ez bezala, epaile demokratak dira».
-«Suplikatorioak bide eman diezaguke jende berria konbentzitzeko eta aliantzak indartzeko».
-«Espainiako Gobernuaren elkarrizketarako borondate falta guztiek balio dute nazioarteko komunitateari dei egiteko».
-«Agerikoa izango da beharrezkoa dela autodeterminazio eskubidea berrasmatzea EBren barruan. Europak ez lioke beldurrik izan behar autodeterminazioari».
