Ez da akordiorik espero. Espainiako eta Kataluniako presidenteek ere ez dute adostasun esanguratsurik lortzeko esperantzarik, adierazi dutenez, baina Bartzelonaren eta Madrilen arteko tentsioa baretzeko bilkura izan daiteke.
Sanchezek esana du Katalunia eta Espainiaren arteko harremanetan "normaltasuna berreskuratu" nahi duela. Torrak aurreratu du Madrilera entzutera doala; jakin nahi du zer "irtenbide" proposatzen duen Sanchezek Kataluniako auziarako. Hala adierazi du Twitter sare sozialean. "Madrilera bidean, Espainiako Estatuak Katalunian sortu duen egoera larria azaltzera. Zer irtenbide proposatzen duen entzuteko borondatez".
Cap a Madrid a explicar a @sanchezcastejon la gravíssima situació que l’estat espanyol ha creat a Catalunya. I amb voluntat d’escoltar la solució que proposa. pic.twitter.com/gxd0uWTbjQ
— Quim Torra i Pla (@QuimTorraiPla) 2018(e)ko uztailaren 9(a)
Horrez gain, Torrak adierazi du Kataluniaren autodeterminazio eskubideaz hitz egingo diola Sanchezi. Espainiako presidenteak bileraren aurretik erantzun dio ezer gutxi dagoela horri buruz hitz egiteko, Espainiako Konstituzioan ez baita jasotzen halako eskubiderik.
Espainiako presidenteak bilkuraren hasierako irudi bat hedatu du sarean. "Konstituzioa errespetatuz, Espainiari normaltasuna itzultzeko borondatez hasi dugu bilera, elkarrizketak elkar ulertzeko bideak zabalduko dituen konfiantzaz".
Arrancamos la reunión decididos a dar un paso al frente para devolver la normalidad a España, con respeto a la #Constitución y con la confianza de que el #dialogo institucional abra vías de entendimiento. pic.twitter.com/GUhvjia3iY
— Pedro Sánchez (@sanchezcastejon) 9 de julio de 2018
Bilera amaitutakoan, hedabideen aurreko agerraldia egingo du Carmen Calvo Espainiako presidenteordeak. Moncloak 13:15erako iragarri badu ere agerraldia, ezabatu egin du deialdia, bi presidenteak ordu horretan oraindik ere bilduta jzeudelako. Torrak ere adierazpenak egingo ditu, baina ez du Moncloan hitz egingo, Generalitatearen ordezkaritzaren egoitzatik baizik.
