Turkian, milaka lagun joan dira Erbakanen hiletara

ISTANBUL. Milaka izan dira, agentzien arabera, Necmettin Erbakanen hiletara joan diren lagunak. Igandean hil zen Turkiako lehen ministro izandakoa eta hango islamismo politikoaren sortzailetzat jotzen dutena, 84 urte zituela. Bi hiritan egin zioten atzo hileta; jarraitzaile, politikari eta armadako ofizial ugari izan ziren han.