BRUSELA. Turkia EB Europako Batasuneko kide bihurtzeko prozesua «guztiz etenda» egon da azken urteotan, Annalena Baerbock Alemaniako Atzerri ministroaren arabera. Baina prozesu hori martxan da berriro. Izan ere, horri buruz hitz egiteko bildu ziren atzo talde komunitarioko estatuetako Atzerri ministroak, Turkiak hala eskatuta. Bruselak giza eskubideen eskakizunei eta zuzenbide estatuaren eskakizunei dagokienez aurrerapausorik ez ematea egozten dio Ankarari.
Dena den, orain Turkia EBren agendan dago berriro. Izan ere, NATO Ipar Atlantikoko Itunaren Erakundearen azken goi bileran, Suediari aliantza militarrean sartzeko ezarri zion betoa kentzearen truke, zera eskatu zuen Recep Tayyip Erdogan Turkiako presidenteak: Turkia EBko kide bihurtzeko negoziazioak berriro martxan jartzea. Hari erantzun, eta Erdogani eskua luzatu zion Suediako Gobernuak, esan baitzuen babestu egingo dituela Turkia EBko kide bihurtzeko prozesua «suspertzeko» ahaleginak.
Turkiarekin duen harremana EBren agendara itzuli da
Iruzkinak
Ez dago iruzkinik
Ordenatu