Gaur hirugarrenez aterako dira kalera ultraeskuindarrak Alemanian. Giroa gaiztotzen ari zen, eta eztanda egin zuen igande goizaldean. Argi ez dauden gertaera batzuetan, 35 urteko alemaniar bat —jatorri kubatarrekoa— hil zuten, eta neonaziak kalera atera ziren. Zortziehun bat elkartu ziren lehen kolpean, "migranteak ehizatzera". Bi egunez Chemnitzen manifestatu ostean, gaur Dresde hirian elkartuko dira, Saxoniako hiriburuan.
Igande goizaldean zer gertatu zen ez dago argi, baina, iturri batzuek diote ezen, festa baten ondoren, hainbat jatorritako hamar bat gizonezkok eztabaida izan zutela, eta kubatar jatorriko alemaniar bat hil zutela. Horren ondoren, sare sozialetan dei egin zuten neonaziek "kaleak garbitzeko" eta han "nork agintzen duen erakusteko" kalera ateratzeko.
Atzo, Karl Marx plazan elkartu ziren neonaziak manifestazioa abiatzeko, eta, toki berean, xenofobiaren kontrako elkarretaratzea ere egin zuten mila bat lagunek. Tentsio handiko uneak izan ziren, batzuen eta besteek oihuekin, eta polizia andana batek hartu zuen parte bi taldeak bereizita edukitzeko.
Linke und Rechte mobilisieren nach #Chemnitz: Zusammenstöße, Verletzte und Festnahmen
— RT Deutsch (@RT_Deutsch) 2018(e)ko abuztuaren 28(a)
Zum Bericht âž¡ï¸ÂÂÂÂÂÂÂhttps://t.co/NDQz4OhfPLpic.twitter.com/ZKn2fScEaY
Kann mir jemand erklären was hier gerade passiert? #chemnitz#sachsenpic.twitter.com/u7cT9PUz4S
— Philipp Bergmann (@_bergmann) 2018(e)ko abuztuaren 28(a)
Nolanahi ere, sei lagun zauritu ziren, eta Polizia hamar lagun ikertzen ari da, Hitlerrek erabiltzen zuen agurra eta beste sinbolo nazi batzuk baliatu zituztelakoan. Berri agentzien arabera, 2.000 inguru ziren neonazien taldean, eta haien erdiak xenofobiaren kontra elkartu zirenen artean.
Steffen Seibert Alemaniako Gobernuko bozeramaileak ohartarazi du zer gertatu den ikertzea Poliziari bakarrik dagokiola. Hain justu atzo, bi lagun atxilotu zituzten hilketa egotzita —Siriako jatorria duen bat eta Irakekoa duen beste bat—.
