AI Amnesty Internationalek Israeli eskatu dio Zisjordaniatik 2.300 beduino kanporatzeko plana albo batera utz dezan. Ehud Barak Israelgo Defentsa ministroari egin dio eskaera; Jerusalemen dagoen zabortegi baten ondora eraman nahi dituzte.
"Zisjordaniako inguru ahulenetan bizi diren milaka beduinok euren etxeen eta ondasunen suntsipenari aurre egin behar diete Israelen plan honekin. Asko iheslari gisa erregistratuta daude eta horietako batzuk lekualdatuak izan dira 1948tik", esan du Ann Harrison HRW Human Rights Watch erakundeak Ekialde Hurbilean duen zuzendariordeak.
"Israelgo agintariek etxebizitza eskubidea bermatu behar diete planak eragiten dien 20 komunitatetako biztanleei, baita Zisjordania okupatuan bizi diren palestinarrei ere", gaineratu du.
